OHHHHH ég er orðin svo ótrúlega þreytt á þessum prófum og get alls ekki beðið eftir því klukkan hálf 11 á morgun, þegar ég get labbað út úr skólanum og öskrað : ÉG ER KOMIN Í SUMARFRÍ ! Að þurfa að sitja inni allan daginn að lesa einhverja leiðinlega náttúrufræði á meðan sólin skín og fullt af fólki er úti i góða veðrinu. Svo kemst ég ekki í ræktina og ég er ekki búin að vera að standa mig vel í nammi-dótinu. Reyndar er nammið eiginlega alveg komið út af mínu plani, mér finnst það ekki gott lengur og ég fæ svo mikið í magann af sykri þannig að ég er eiginlega búin að skera allan sykur í burtu en ég á samt erfitt með snakkið. Allavega á meðan ég er í prófum og þarf að hafa eitthvað til að narta í, þá kemur snakkið fast inn.
Annars get ég ekki beðið eftir að komast í ræktina á morgun og byrja þetta svona af alvöru. Markmiðið er að ná af mér 15 kílóum fyrir 25. júlí og ég veit að það er alveg geranlegt.
Ætla að fara á bloggrúnt á eftir og lesa hvernig ykkur gengur.
Takk fyrir kommentin
Fyrrverandi

Það er svo alltof mikið að gerast hjá mér þessa dagana að ég hef ekki haft neinn tíma til að rita niður nokkur orð. Er í miðri prófatörn og er búin með 3 próf af 5. Er búin að ganga svona frekar vel og er vonandi búin að ná öllu. Bara 2 próf eftir og þá er sumarið komið og ég get farið að gera það sem mig langar og mér finnst skemmtilegt. Næsta próf er ekki fyrr en á þriðjudaginn þannig að ég hef alveg frekar góðan tíma til að læra fyrir það próf. Ætla þess vegna að taka þvi svona frekar rólega í dag og taka til og svoleiðis skemmtileg heit.

Annars er ég ekkert búin ap vera að standa mig neitt ótrúlega vel, það er eins og nammipúkinn fari aldrei alveg af öxlinni, en ég er að reyna sem flestar leiðir til að henda honum af í eitt skipti fyrir öll. Er búin að ákveða að taka hreyfinguna alveg ótrúlega föstum tökum í sumar. Ég byrja að vinna 14. maí og er að vinna hjá Póstinum, þannig að ég er að fá góða hreyfingu þar, og svo ætla ég að fara ég ræktina alla daga eftir vinnu. Ég ÆTLA að vera búin að missa 10 kíló (allavega) í endann á júlí, 26. júlí, því að þá fer ég til Englands.

Hlakka til eftir prófin þegar ég get bara lifað lífinu án þess að það séu alltaf eikkað leiðinlegt sem stendur í veginum eins og heimavinna og svoleiðis drasl !

Fyrrverandi

Ég er ekki horfin allavega ekki eins og er. Það þarf meira til að buga mig skal ég sko segja ykkur. Það er bara allt brjálað að gerast núna og ég hef ekki náð að setjast fyrir framan tölvuna síðan seinast þegar ég bloggaði því að nú eru prófin að detta á námsmennina og ég reyni hvað ég get að fylgjast með og reyna að falla ekki. Held að það sé nú alveg að ganga bærilega en maður veit nú aldrei. 7,9,13.
Ég er ekki hætt með átakið mitt það er þarna en það er soldið erfitt að sinna því inní þessari prófatörn en ég hef samt ekki borðað neitt sem er á bannlistanum mínum síðan á mánudaginn og ég er búin að vera að missa mig í ræktinni, fór til dæmis 20 sinnum á einni viku í seinustu viku og ég missti held ég 4 kíló af því og byggði upp nokkuð góðan vöðvamassa og ég ætla að halda þessu áfram í allt sumar, þar sem að ég verð í útivinnu og að labba um í sumar og verð alltaf búin fyrir klukkan 4 á daginn og þá ætla ég að eyða tíma í að fara í ræktina, fara að synda eða bara út að labba. Er búin að breyta markmiðinu í 15 kíló 28. júlí !

Ég held að ég sé búin að finna guð upp á nýtt...
Ég hætti að trúa á guð þegar ég var í 6-7. bekk. Ég veit ekkert af hverju, það var enginn stór missir (ástvinamissir) eða eitthvað sem kom fyrir mig þá ég bara hætti að trúa, kannski því að ég trúði ekki á þetta rugl með örkina hans Nóa og allt draslið sem stóð í Biblíunni eins og að Jesú hafi verið krossfestur og svo fór hann upp til himna og allt það. Mér fannst að ef að ég ætlaði á anað borð að trúa þá þyrfti ég að taka þetta svona allt eða ekkert. Þá þurfti ég að trúa öllu um guð, allt sem hann hafði gert og allt sem stóð í biblíunni.
Svo á mánudaginn fór ég í hádeginu og keypti mér fullt af nammi, borðaði einhvern slatta af því, fór svo að vinna og þegar ég var á leiðinni heim úr vinnunni um kvöldið þá fór ég bara eikkað að tala við sjálfa mig en samt ekki við sjálfa mig. Ég veit ekki alveg hvað gerðist en ég bað allavega um hjálp, að ég gæti þetta ekki ein og það næsta sem ég gerði var að henda restinni af namminu mínu á götuna og hlaupa heim hágrátandi. Ég fékk einhvernskonar vitrun, eða ég veit ekki hvað þetta var og uppgötvaði að maðurinn er ekki gerður til þess að standa einn og hafa engann æðri mátt til að trúa á og ég ákvað að ég ræð alveg hverju ég trúi, svo lengi sem ég trúi á að það sé eitthvað þarna úti sem að getur hjálpað mér og sem getur haldið mér uppi í gegnum þá erfiðleika sem ég þarf að takast við.
Ég sannprófaði þetta í gær þar sem ég bað guð bara um að hjálpa mér að kaupa ekki ís í vinnunni og viti menn : ég keypti engann ís. Og mér leið ekkert smá vel.
Ég var orðin svo öfundsjúk út í vinkonu mína sem að sagði að alltaf ef að henni liði illa, þá talaði hún bara við guð og þá leið henni miklu betur. Ég saknaði þess ekkert smá og er þess vegna fegin að hafa fundið minn guð aftur.
Ég trúi kannski ekki á örkina hans Nóa, eða krossfestinguna og það dót, en ég trúi víst að það sé til eikkað æðra okkur, einhver kraftur sem hjálpar okkur þegar okkur líður illa.
Hann má alveg heita Guð fyrir mér.

Góða nótt
Fyrrverandi

Jæja þá er komið að því að skrifa smá hérna niður, en það er bara búið að vera brjálað að gera seinustu daga, í vinnu og svo var litla frænka að fermast í gær þannig að allt er búið að vera á fullu að undirbúa það. Annars er ég ekkert búin að vera að standa mig neitt ótrúlega vel, er alveg búin að svindla frekar mikið undanfarið, en þá er bara að halda áfram og standa sig !

Af hverju er þetta samt svona erfitt ?
Alveg sama hvað maður reynir, þá einhvernveginn fellur maður eða klúðrar þessu og er þá aftur komin að byrjunarreit. Það er sagt að það sé erfiðast að viðurkenna vandamálið og þegar maður er búin að því, þá getur maður byrjað að vinna úr honum. Það eru mörg ár síðan ég viðurkenndi minn vanda og ég veit alveg að ég á við vandamál að stríða en samt gengur mér ekkert betur við að vinna úr þessum vanda. Af hverju tekst sumum að vinna úr sínum vandamálum en sumir ekki ? Eru sumir sem að langar þetta meira eða er mér kannski alveg sama ? Ég veit alveg að mér er ekki sama, því að ég þoli ekki að lifa svona lengur en samt er eins og ég sé ekki alveg tilbúin að reyna að sigrast á þessum vanda.

Var bara svona að pæla, en ég ætla að segja þetta gott núna og óska ykkur öllum gleðilegra páska



Og ekki éta yfir ykkur af páskaeggjum

Jæja ég er þá sest niður fyrir framan tölvuskjáinn að reyna að drita niður nokkrum orðum um daginn. Í heildina litið þá er ég bara svona frekar sátt, allavega fór ekkert sætt inn um mínar varir og ég vona VEIT að það mun haldast þannig !
Ég fór reyndar út að borða í kvöld og fékk mér fisk, með frönskum og kokeilssósu en ég hef nú haft verri dag en það. Ég er ekkert smá sátt við sjálfa mig núna þar sem ég fór í ræktina áðan og var að púla í klukkutíma og vitiði bara hvað ? Ég fattaði í fyrsta skiptið að ég er með magavöðva ! Ég hélt að guð? hefði gleymt að setja þá í mig við fæðingu en ég er greinilega ekki það sérstök !

Ég hef verið að pæla aðeins í sambandi við markmiðin og held að ég hafi komið með rökrétt og geranleg markmið sem að ég ætti að geta staðið við.

* Ég ætla að halda matardagbók á hverjum degi þar sem ég skrifa hvað ég hef borðað um daginn
*Ég ætla líka að halda dagbók um það hvað ég hreyfi mig mikið á hverjum degi.
*Ég ætla líka að ná af mér 10 kílóum fyrir 26. júlí - Veit að það er langur tími en ég trúi því að "Góðir hlutir gerast hægt"

Þetta er svona mín markmið og ég veit alveg að ég get staðið við þetta núna því að ég vil það og ég hef svo ótrúlega góðan stuðning í þetta skiptið. Ég er líka búin að komast að því hvað virkar fyrir mig í hreyfingu og þar er tækjasalurinn í ræktinni. Var að uppgötva hversu skemmtilegt það er í byrjun vikunnar og á þriðjudaginn hlakkaði ég ekkert smá mikið til að komast í ræktina en ég var veik þriðjudag og miðvikudag og það eina sem ég gerði (ásamt því að sofa) var að hugsa um að komast í ræktina ! Fór í dag og það var æðislegt að lyfta og vinna aðeins á vöðvunum þar sem að þeir eru faldnir frekar vel undir fitu, en ég fann alveg fyrir í hverjum einasta vöðva og í fyrsta skipti á ævinni fannst mér það gott. 
Þannig að planið á morgun er að fara beint í ræktina eftir skóla á morgun og lyfta soldið meira ;) Fíla það í tætlur og ég held að þetta sé mín leið til að vinna á fitupúkanum !
Annars er ég bara frekar bjartsýn og vil þakka ykkur öllum fyrir stuðninginn, því að ég veit að það er 100 sinnum erfiðara að gera þetta ein, það er miklu betra að hafa fólk sem stendur við bakið á sér og er að ganga í gegnum það sama og ég er að ganga í gegnum 
Ætla að halda áfram að standa mig
Fyrrverandi Feit


 

Jæja, ég er komin aftur. Reyndar búin að skipta um stað, eða síðu en er samt sem áður byrjuð aftur sterkari en nokkru sinni fyrr.
Ég fór inná gömlu síðuna fyrir tilviljun í gær og sá að það var ennþá fólk að fylgjast með mér og þá fór ég að hugsa að þetta gæti nú ekki skemmt eitthvað fyrir mér, þar sem að mér hefur alls ekki gengið vel í vetur. Ég er held ég orðin u.þ.b 150 kíló og mér líður alls ekki vel með það. Ég ætla samt að reyna aftur, því að ég gefst ekki svona auðveldlega upp. Ég veit alveg að ég get þetta, það þarf bara aðeins meiri kraft og að gefa sér aðeins meiri tíma.
Ég er byrjuð að stunda líkamsræktina núna soldið mikið, því að ég verð að skila inn 24 tímum til að fá einingu fyrir íþróttir í skólanum. Ég er reyndar búin að éta frekar mikið nammi undanfarið en er samt eiginlega hætt núna og er ekki búin að borða neitt óhollt seinustu tvo daga.
Ég vona að einhver þarna úti nenni að fylgjast með mér hérna og styðja við bakið á mér þar sem að ég veit að þetta er það sem getur hjálpað mér mikið.
Ég segi þetta nóg í dag og vona að ég geti staðið mig í þessu núna !